background
logotype

Kitob va yozuv

Daraxt emas, yaproqli,
Ko‘ylak emas, etakli,
Odam emas so‘zlaydi,
Turli kuylar kuylaydi.
(Kitob)

Ustida qopqoq,
Tagida qopqoq,
Ichinda yaproq.
(Kitob)

Tilsiz, aql o‘rgatar.
(Kitob)

Bodomcha bodomcha bilan,
Yetti kalit tom bilan.
Ne ko‘zi bor, ne og‘zi bor,
So‘ylashadi odam bilan.
(Kitob)

Oq yer ochdim,
Qora bug‘doy sochdim.
(Qog‘oz, yozuv)

Qo‘l bilan ekilar,
Og‘iz bilan yig‘ilar.
(Yozish, o‘qish)

Tog‘dan tayladim sinmadi,
Suvga tayladim sindi.
(Qog‘oz)

Sirti tayoq,
Ichi bo‘yoq
(Qalam)

Uzun bo‘yli,
Yo‘rma to‘nli.
(Qamish qalam)

2004-2017 © www.ziyouz.com. Saytda taqdim etilgan elektron manbalardan faqatgina shaxsiy mutolaa maqsadida foydalanish mumkin. Tijoriy maqsadlarda foydalanish (sotish, chop etish, ko‘paytirish, tarqatish) qonunan taqiqlanadi.

.