OʼZ  ЎЗ  РУ  EN

Abu Abdurahmon Niliy

Abu Abdurahmon Muhammad ibn Abdulaziz Niliy - O‘rta osiyolik arabnavis shoir.

1

O‘q bo‘lib uchgach nigohi, yuz o‘girdim chet tomon,
Tandagi majruh bu jonim zora qolgay, deb, omon.

Ishq der: Undan qutulmoq mutlaqo mushkul erur,
Qaytarolmas o‘qni qalqon, bo‘lsa gar ko‘zlar kamon.

2

Yorimning nigohida parpirab o‘ynaydi nur:
O‘t — uning yanog‘ida, tafti bag‘rimda erur.

3

Baxil qursin, malomat qilma bekor,
Baxilning molidan bo‘lma umidvor.

Quvib mol ortidan, fazlin yo‘qotgan
Odamning ustidan kulmoqqa yo‘l bor.

Har baloyu har azobga menda bor bardosh-chidam,
Garchi toshday ezsa ham boshimni so‘ngsiz dardu g‘am.
Shon-sharaflar in qurar, albatta, kulfat ustiga,
O‘tda kuygandan keyin bo‘lgay musaffo tilla ham.

Husniddin Sharipov tarjimasi

Saytimiz rivojiga hissa

Uzcard: 8600 5504 8563 9786

© 2004-2020 - Ziyo istagan qalblar uchun! Saytda taqdim etilgan elektron manbalardan faqatgina shaxsiy mutolaa maqsadida foydalanish mumkin. Tijoriy maqsadlarda foydalanish (sotish, chop etish, ko‘paytirish, tarqatish) qonunan taqiqlanadi. Saytdan materiallar olib chop etilganda manzilimiz koʻrsatilishi shart.