OʼZ  ЎЗ  РУ  EN

Said Ahmad. Luchchak shaftoli (hajviya)

Xorazmlik shoir Rahim Bekniyoz umrida luchchak shaftolini ko‘rmagan ekan. Abdulla Qahhorni ko‘rgani bog‘iga kirganda domla dasturxonga yaltirab turgan bir savat luchchak shaftoli qo‘ydi.
— Iya, — dedi Rahim Bekniyoz, — domla, bu shaftolilarning juni qani?
Abdulla Qahhor javob qildi:
— Rahimjon ukam, siz kelasiz, deb shaftolilarni Qibraydagi sartaroshxonaga opchiqib junini qirdirib keldim.
— Rahmat, rahmat, domla, bekorga ovora bo‘psiz-da, — deb minnatdorchilik bildirdi Rahim Bekniyoz.

Eʼlon

© 2004-2019 - Ziyo istagan qalblar uchun! Saytda taqdim etilgan elektron manbalardan faqatgina shaxsiy mutolaa maqsadida foydalanish mumkin. Tijoriy maqsadlarda foydalanish (sotish, chop etish, ko‘paytirish, tarqatish) qonunan taqiqlanadi. Saytdan materiallar olib chop etilganda manzilimiz koʻrsatilishi shart.