OʼZ  ЎЗ  РУ  EN

Xachatur Abovyan (1809-1848)

* * *

Qurboningman, ey suyukli yor,
Kerak bo‘lsa ot, bo‘ynimdan os.
Bu dunyoda chekdim ko‘p ozor,
Yomonlardan et meni xalos...

Barglarini shabnam yuvmasa,
Bahorda gul so‘lmasmi nochor?
Salqin yellar esib turmasa,
Bo‘g‘ilmasmi tanho zoru zor?

Kechalari chekkan fig‘onim
Tosh qalbingni eritmas nahot?
Ishq o‘tida yonmoqda jonim,
Sensiz menga nechun bu hayot?


Qo‘rqinch emas menga yer tagi,
Ayriliqdan qo‘rqaman dildor.
Sensan g‘arib ko‘nglim istagi,
Sensiz menga bu keng olam tor.

Istar esang bo‘layin qurbon,
Istar esang, kel, bo‘ynimdan os.
Ishqim haqi, rahm et, ey jonon,
Ta’nalardan et butun xalos...

Mirtemir tarjimasi

Eʼlon

© 2004-2019 - Ziyo istagan qalblar uchun! Saytda taqdim etilgan elektron manbalardan faqatgina shaxsiy mutolaa maqsadida foydalanish mumkin. Tijoriy maqsadlarda foydalanish (sotish, chop etish, ko‘paytirish, tarqatish) qonunan taqiqlanadi. Saytdan materiallar olib chop etilganda manzilimiz koʻrsatilishi shart.