OʼZ  ЎЗ  РУ  EN

Anvar Obidjon. Ziyodbotirdan boshqasi topiladi (hajviya)

– Xo‘p, sizga nima kerak?
– Mana ro‘yxat... xo‘-o‘-sh... o‘nta tank, yigirmata bronetransportyor, o‘n beshta qiruvchi uchoq, o‘ttizta Ziyodbotir, qirqta svetofor, shuncha militsioner, beshta go‘sht tashiydigan mashina.
– Ziyodbotirlar allaqachon tugab ketgan. O‘rniga tank olaqoling. Yoki svetofor.
– Shuncha svetoforni nima qilaman? Keyin, har qaysisining yoniga bittadan militsioner ham kerak bo‘ladi. Mayli, go‘sht tashiydigan mashina ko‘proq bo‘laqolsin... E, yo‘q, yaxshisi anavi sariq yubkali...
– Natashami?
– Ha, shunga o‘xshagan chiroyli-chiroylisidan besh-oltitasini bering.
– Bu boshqa gap, – dedi o‘yinchoq magazini sotuvchisi,– bog‘changizdagi qizaloqlar ham bir yayrab qolishsin-da, omborchi tog‘a.

1978 yil.

© 2004-2019 - Ziyo istagan qalblar uchun! Saytda taqdim etilgan elektron manbalardan faqatgina shaxsiy mutolaa maqsadida foydalanish mumkin. Tijoriy maqsadlarda foydalanish (sotish, chop etish, ko‘paytirish, tarqatish) qonunan taqiqlanadi. Saytdan materiallar olib chop etilganda manzilimiz koʻrsatilishi shart.