OʼZ  ЎЗ  РУ  EN

Norveg xalq maqollari (35)

Norveglar — Norvegiyaning asosiy aholisi (4,15 mln. kishi). Umumiy soni 5 mln. kishi. Norveg tilida so‘zlashadi. Dindorlari — asosan, lyuteranlar, katoliklar ham bor.


• Yurak to‘lib qolganida til jim qoladi.
• Sevgi xarobada ham, saroyda ham birdek yashaydi.
• Bir yil oldin kulib yurgan ko‘p qizlar hozir yig‘lamoqdalar.
• Hech qachon «hech qachon» dema.
• Dunyoda dardlar ko‘p, eng yomoni yomon xotindir.
• Qizni kutayotgan yigit qahratonda ham muzlamaydi.
• Qachondir qaynoq bo‘lgan narsa bir kun sovuqqa aylanadi.
• Qiz boladagi «yo‘q» ko‘pincha «ha»ni bildiradi.
• Dard insonni tarbiyalaydi.
• Ishsizlik — yovuzliklar ildizi.
• Er-xotinlikda insonlar bir-biriga o‘xshab qoladi.
• Qizni bayram libosida emas, oshxonada ko‘r.
• Ayollarning soqoli yo‘q, shuning uchun ham og‘zini yopib bo‘lmaydi.
• Yeyish uchun yashamaydilar, yashash uchun yeydilar.
• Boy kelinchak ortidan mehmon ko‘p keladi.
• Yo‘tal va sevgini yashirib bo‘lmaydi.
• Quyosh haqida gapirishing bilan u ko‘rina boshlaydi.
• Mushuklar yo‘q bo‘lsa, sichqondar kursida o‘ynaydi.
• Otni tishiga qarab, qizni qo‘liga qarab ol.
• Ushoq ham non.
• Ayolga baqirgan odam onasini unutadi.
• Ishni bajarishdan ko‘ra gapirish oson.
• Poyafzalning qayeri qisayotganini uning egasi eng yaxshi biladi.
• Ostonadagi ona egardagi otadan afzal.
• Sevgining ko‘zi ko‘r, uni hech kim ko‘rmayapti deb o‘ylaydi.
• Onaning o‘zi ham qachondir pechka ostida o‘tirmaganida bolasini u yerdan qidirmasdi.
• Hamma ot ham sotilavermaydi, hamma qizlar ham erga tegavermaydi.
• Bajara olmaydigan ishingga va’da berma.
• Ko‘z ko‘rgan hamma narsa ham sevishga arzigulik emas.
• Quyosh chiqmasidan kunni maqtama.
• Sevgisiz o‘pich tuzsiz taom kabidir.
• Hammani birdek rozi qilmoqchi bo‘lgan odam hech kimni birdek mamnun qila olmaydi.
• Sotqin qalbning ko‘zi porlaydi.
• Yurakdan chiqqan so‘z qalbga yetib boradi.
• Qachondir ona qilgan ishni bir kun qizi ham qiladi.

D.Tojialiyev tarjimalari

Saytimiz rivojiga hissa

Uzcard: 8600 5504 8563 9786

© 2004-2020 - Ziyo istagan qalblar uchun! Saytda taqdim etilgan elektron manbalardan faqatgina shaxsiy mutolaa maqsadida foydalanish mumkin. Tijoriy maqsadlarda foydalanish (sotish, chop etish, ko‘paytirish, tarqatish) qonunan taqiqlanadi. Saytdan materiallar olib chop etilganda manzilimiz koʻrsatilishi shart.