Qurbon sozchi(taxallusi; asl nomi Qurbon Ismoilov) (1866 — Xiva — 1946) — baxshi, O‘zbekiston xalq shoiri (1938). Xudoybergan O‘tagan o‘g‘li va Qo‘shako‘r sozandaning shogirdi. Yoshligidan musiqa va adabiyotga qiziqqan, xalq ijodi namunalarini, she’r yozish qonun-qoidalarini o‘rgangan.

«Qurbon ota hayotidan», «Xorazm tarixi» va boshqa termalarini garmon jo‘rligida ijro etgan. Xiva shahridagi maktab, o‘zi tug‘ilib o‘sgan ko‘cha, Xorazm viloyati kutubxonasi baxshi nomi bilan atalgan.